Azərbaycan çempionatında qızğın mübarizə getdiyi illərdə internet elə də inkişaf etməmişdi. O vaxt indiki kimi hamının əlində telefon, notebook yox idi, istənilən məlumatı internetdən saytlar vasitəsi ilə öyrənə bilmirdik. Sevimli klublarımızla bağlı xəbərləri öyrənmək üçün axşamlar idman xəbərlərini və bir neçə kanalda həftənin bircə günü yayımlanan idman verilişlərini gözləyirdik. Təbii ki, bir də "Futbol+" qəzetimiz vardı. Onu da vurğulamasaq olmaz.
Elə indi bəhs edəcəyimiz verilişlərdən biri AZTV-də yayımlanam "Football time" proqramıdır. Elnur Əşrəfoğlu və Altay Əliyevin aparıcısi olduğu verilişdə turun oyunları haqda reportajlar, açıqlamalar yayımlanardı. Şəxsən mənim ən maraqla izlədiyim "sitatlar"lar süjeti idi.
Veriliş haradan yadıma düşdü? Elnur Əşrəfoğlu sayəsində. Hazırda Azərbaycan Cüdo Federasiyasının mətbuat katibi olan Elnur bəy, şəxsi "facebook" səhifəsində "Football time" verilişinin 2005-ci ilə aid olan buraxlışlarından birini "15 il əvvəl" şərhi ilə paylaşıb. Onun bu paylaşı sayəsində həm keçmişə səyahət etdik, həm də o vaxtlar çempionatımızın necədə maraqlı və rəngarəng olduğunu gördük.
Bu videoda "Turan" ilə "Bakı" komandaları arasında keçirilən matçda baş verən qalmaqalı da izləyə biləcəksiniz. Həmin videosüjeti sizlərə təqdim edirik:
Röya Kərimli
Sport7.az
Комментарии
Отправить комментарий