Bakıda 8 Mart - Beynəlxalq Qadınlar gününə həsr olunmuş turnir keçiriləcək. Bu turnirdə nə futbolçular, nə də peşəkarlar yox, elə futbolu sevən xanımlar iştirak edəcək.
Bu haqda elə həmkarın Rəfiqə Əzizin dəvətindən sonra xəbər tutdum. İlk dəfə keçiriləcək turnir barədə oxucularımız üçün də məlumat öyrəndim.
- Rəfiqə, bu turniri keçirtmək sənin ideyandır?
- Tez-tez "facebook"da kişilərin futbol oynamağa yoldaş axtardığı haqda postlar görürdüm. Həmçinin, tez-tez qadınlar da o postlara oynamaq istədiklərini yazırdı. Elə oradan ağlıma gəldi ki, bu qədər futbol oynamaq istəyən qadın varsa, oynayaq. Kiçik bir sorğu keçirdim. Reaksiya müsbət oldu. Gözləmədiyim qədər çox qadın müraciət etdi. Təbii ki, söz havada qalsın istəmədim. Ölkənin ən böyük kütləsi olan həvəskar futbol liqası "MFL”də işləyirəm. Dedim işimi eşqimlə birləşdirim. Rəhbərliyə müraciət etdim ki, gəlin 8 mart münasibətilə belə bir tədbir edək. Onlar da razılıq verdi. Bütün kiçik nüansları həll edəndən sonra qeydiyyatı açıq elan etdik. İstənilən həmcinsimiz bizə qoşula bilər. Həmin gün həm maraqlı, həm də hədiyyəli olacaq. Ona söz verə bilərəm.
- Qeydiyyat proseduru necədi? Hər kəs çıxış edə bilər bilər?
- "MFL”in səhifəsi tərəfindən event yaradılıb. Eventdə anket və mail ünvanı var. Anketi doldurub bizə göndərirlər, vəssəlam. 24 qadın seçəcəyik. 4 komanda, hərəsində 6 oyunçu. Təbii hər kəs müraciət edə bilər. Oyunçular anketdəki cavablara uyğun komandalara bölünəcək.
- Matçlar harada keçiriləcək? Kişilər futbol oynayanda stadiona pul ödəyirlər. Bəs bu yarışda iştirak edən xanımlar ödəniş etməlidir?
- Oyunlar "MFL Arena"da keçiriləcək. Hər şeyi tərəfdaşlarımızın köməyilə təmin edirik. Bu tədbir liqamız adından xanımlara hədiyyədir. Onlardan heç bir ödəniş almayacağıq. Əksinə, sponsorlardan hədiyyələr verəcəyik.
- Oyunlar hansı qaydalar ilə keçiriləcək?
- Bir gün olacaq tədbir. 10 mart 15:00da start veririk. 4 komanda 1/2 final sistemiylə oynayacaq. Daha sonra 1 saat fasilə olacaq. Həm xanımların bayramını təbrik edəcəyik, həm də çay içib söhbət edəcəyik. Bu ərəfədə dincəlmiş qalib komandalar daha sonra final oyununa çıxacaq. Qeyd edim ki, final oyunu "MFL”in facebook səhifəsiylə canlı yayımlanacaq.
- Bəs oyunlara hakimlər dəvət alıb?
- AFFA bu işdə bizə kömək edir
- Çıxış edən xanımlar sırasında tanınmışlardan kimsə olacaq?
- Düzü, hələ dəqiq bilmirəm. (gülür)...
Röya Kərimli
Sport7.az
Комментарии
Отправить комментарий