Azərbaycan millisinin və "Keşlə" klubunun futbolçusu Vüsal İsgəndərlinin ölkə xaricindən iki təklif aldığı, lakin heç birini qəbul etmədiyi haqda məlumat yayılıb.
Bəs bu klublar "Keşlə"yə rəsmi müraciət ediblərmi? Vüsal İsgəndərlinin paytaxt klubundan ayrılmaq ehtimalı varmı?
Bu sualların cavabını "Keşlə"nin mətbuat katibi Murad Axundovdan öyrəndik.
Paytaxt klubunun sözçüsü Sport7.az-a açıqlamasında heç bir xarici klubunun Vüsal İsgəndərli üçün "Keşlə"yə müraciət etmədiyini bildirdi.
"Vüsal ilə bağlı olaraq kluba heç bir rəsmi təklif gəlməyib. Rəhbərliklə söhbət olub və Vüsal İsgəndərli ən azı mövsümün ikinci hissəsini komandamızda keçirəcək. Hazırda komanda üzvləri istirahətdədir. Yanvarın əvvəlində toplaşacaqıq və komanda 12-i tarixində təlim-məşq toplanışı üçün Antalyaya yollanacaq. Vüsal da bizimlə birlikdə olacaq. Müqaviləsi mövsümün sonuna kimidir deyə bizimlə qalacaq. Maraqlananlar ola bilər, amma yenə deyirəm rəsmi şəkildə "Keşlə"yə heç bir xarici klubdan təklif gəlməyib".
Röya Kərimli
Sport7.az
Комментарии
Отправить комментарий