Bildiyiniz kimi, bir müddət öncə AFFA Həmkarlar İttifaqı AFFA prezidenti Rövnəq Abdullayevə məktub ünvanlayaraq qurumun fəaliyyəti üçün lazım olan şəraiti yaratması xahiş olunmuşdu.
Lakin məktuba AFFA-nın baş katibi Elxan Məmmədov tərəfindən imzalanmış cavab göndərilmiş və burada İttifaqın üzvlərinin futbolla heç bir əlaqəsi olmadığı qeyd olunub.
Bununla bağlı olaraq AFFA Həmkarlar İttifaqının üzvü, futbol veteranı Novruz Əzimov AFFA prezidenti Rövnəq Abdullayevə mətbuat vasitəsinə ilə müraciət edib.
Sport7.az-a danışan mütəxəssisin sözlərini təqdim edirik:
"Sözlərimə misalla başlayacağam. Azərbaycan dövlətinə uzun müddət başçılıq eləmiş Mircəfər Bağırov keçən əsrin 50-ci illərində məhkəmə qarşısında çıxış edərkən ifadə işlədibi ki, "mən bəzi insanlara (üzdəniraq millətin nümayəndələrinə) inanaraq millətimə qarşı xəyanət eləmişəm. Buna görə məni doğrasalar da azdır, heç bir bəraətə layiq deyiləm".
Bunu niyə deyirəm? Təəssüflər olsun ki, bu gün Azərbaycan futbolunu idarə edən insanların içərisində Azərbaycan dövlətinin mənafeinə qarşı və futbolumuzun məhv edilməsi yönündə işgörən insanlar var. Belələri 80-ci illərdə də olub. Həmin dövrdə də Azərbaycan futbolunu idarəedənlərin içərisindən Azərbaycan futboluna qarşı belə hərəkətlər edənlər olub. Və təəssüflər olsun ki, o insanlardan bəzisi bu gün də futbolumuzdadır.
Frits Stuxlik, Kiros Vassaras kimi insanların Azərbaycan futboluna gətirilməsini azərbaycanlı mütəxəsəssiləri təhqir etmək kimi hesab edirəm. Gərəksiz ucdantutma milliləşdirmələrin Azərbaycan futboluna vurduğu ziyan isə heç bir ölçüyə sığmır. Bu, ən böyük bəladır. Hansı ki, Azərbaycanın gənc futbolçularının qarşısını kəsib. Buna görə də bu gün yerli futbolçu qıtlığı var.
Mircəfər Bağırovdan gətirdiyim misal ilə Rövnəq müəllimə səslənirəm. Ki, sonra deməsin heç biriniz demədiniz, məlumat vermədiniz. Mən arzulamıram ki, Rövnəq Abdullayev nə vaxtsa desin ki, mən Azərbaycan futbolunu futbolumuz uğrunda çalışmayan insanlara etibar etdim".
Röya Kərimli
Sport7.az
Комментарии
Отправить комментарий